Band
7etetna - Ana Masry Band
أغنية : ملعون
كلمات : ياسر الليثي
الحان و توزيع : محمد علي
تم التسجيل ياستديو هوزانا
مكساج وديجيتال ماستر - مهندس : ميشيل عبد الملك
كمان : محمد علي
ناي : ليث سليمان
قانون : علي شاكر
باص جيتار : عماد حمدي
ليد جيتار : شريف جلال
غناء :
رانيا العدوي ( غناء اوبرالي )
محمود الاشقر
ريم نسيم
ماريان إسكندر
محمد علي
ميدو علام
أحمد طلعت
محمد داوود
رانيا أبو سنه
كلمات الاغنية
ملعون أبوك يا سكوت أنا حلمي مش هيموت
لو سلسلوا خطوتي أنا لسه فيا الصوت
لو كل يوم سحلوني وبظلمهم عروني
لو بالرصاص قتلوني مش هرضي ع المسكوت
30 سنة واكتر صابر ومستنظر
وبحايل الايام علشان في يوم أقدر
أقدر أقول الحق وأصرخ واقولها لأ
مسمار في نعشه أندق والشعب خط أحمر
قالوا لنا ياما زمان يا بخت اللي بات مظلوم
وقالوا اللي يعيش جبان هيموت كريم مستور
ملعون أبوك يا زل لو كنت يوم الحل
ملعون أبو الظالم واللي يبات مظلوم
ملعون أبوك يا خوف أنا لسة قادر أشوف
جايلك في ايدي الضي جايلك معايا ألوف
لو عيني صفوها وأحلامي حصروها
لو روحنا سرقوها واقفين لموتنا صفوف
أهين يا بلد العجب من ظلم حكامك
هو عليكي انكتب تشدي في حزامك
في أي شرع ودين دمي يسيل ع الارض
حبسوني في الزنازين هتكوا الحقوق والعرض
دوس علي الزاند نشن اضرب كمان واقتل
صدري اهو مفتوح لك ولسه أنا مكمل
ولسة أنا مكمل ..........
0 التعليقات:
إرسال تعليق